शिक्षक म्हणून समाज आपल्याकडे आदराने जरूर बघत असेनं...परंतु,विचार करा ज्या क्षेत्रात तुम्ही आणि मी काम करतो त्या क्षेत्रात तुम्हाला सन्मान आहे का ? आपल्यातलेच मूठभर हूजरेगिरी करतात. हूजरेगिरी करुन फक्त स्वतःचे प्रश्न सोडविता येतात आणि त्याचा त्रास मात्र इतरांना होतो. तेव्हा झुगारून द्या त्या सर्वाना. गाव करील ते राव करू शकत नाही हा इतिहास आहे. एकत्र येऊ तुमच्या, माझ्या आणि आपल्या सर्वांच्या हक्कासाठी आणि जाब विचारू शिक्षकांच्या सन्मानासाठी....त्यासाठीच हा उपद्व्याप.
Saturday, February 13, 2021
Thursday, February 4, 2021
शुल्क नियामक प्राधिकरणाने वेतनाची प्रतिपूर्ती होते की नाही हे तपासावे.
सर्व शुल्क आणि सोयीसुविधांची माहिती महाविद्यालयांच्या संकेतस्थळावर जाहीर करणेसाठी शुल्क नियम प्राधिकरणाने उचलले पाऊल स्वागतार्ह आहे परंतु शिक्षक-शिक्षकेतर कर्मचाऱ्यांना वेतन दिले जाते की नाही याची देखील तपासणी प्राधिकरणाने केली पाहिजे.
अन्यथा हॉटेलमध्ये लावलेल्या फलकांप्रमाणे आम्ही देखील शिक्षक-शिक्षकेतर कर्मचाऱ्यांना वेतन नियमित देतो असे फलक संकेतस्थळावर जाहीर करणेसाठी महाविद्यालयांना बंधनकारक करावे.
दुर्दैव आहे की सरकारसह राज्यातील एकही प्राधिकरण वेतनाची प्रतिपूर्ती होते की नाही हे तपासत नाही आणिआम्ही गप्पा मारतो गुणवत्तेच्या.
प्रा. (डॉ.) वैभव नरवडे
महामंत्री - अखिल भारतीय राष्ट्रीय शैक्षिक महासंघ, महाराष्ट्र प्रांत तथा
अध्यक्ष - मुक्ता शिक्षक संघटना